உறுத்தல்கள்
_____________________________________
படுக்கையை உதறி வைத்தும்
அதில் ஒட்டிய
இரவின் நட்சத்திர நசுங்கல் பிசிறுகள்
உறுத்தி உறுத்தி
உள்ளம் சொறிகின்றன.
என் இரட்டை நிழல்கள்
டாக்டர் ஜெகில் அண்ட் மிஸ்டர் ஹைட்
என்னை நடத்துகிறது
இருத்துகிறது உண்கிறது குடிக்கிறது
சிந்தனைக்குள்
பொந்துகள் வைத்துக்கொண்டே
என்னை பொங்கல் வைக்கிறது.
சிக்மண்ட ஃப்ராய்ட் புத்தகப்பக்கங்களுக்குள்
தாற்காலிகமாய்
அடைந்து கொண்டேன்.
பேனாவும் பேப்பரும் அல்லது
விசைப்பலகைப் பொத்தான்களும்
தீர்வுகள் அல்ல.
என்னத்தை உமிழ்ந்தாலும்
எரிமலைக்குழம்பையும் கூட
குதப்பினாலும்
இங்கே பிணங்களின்
குத்தாட்டங்கள் சகிக்க வில்லை.
விடுங்கள்.
விழுந்து கிடப்போம்.
அவர்கள் ஆண்டு கொண்டிருக்கட்டும்.
காலை நல் வணக்கம்
எல்லோருக்கும்.
______________________________________________
எப்சி
கருத்துகள் இல்லை:
கருத்துரையிடுக