மௌவல்க்கு கவிதைகள்
___________________________________05.07.2024
எனக்கு மிகவும் பிடித்த
இனிப்பான பழமொழி
"சீ சீ இந்த பழம் புளிக்கும்"
_____________________________
கல்லாடன்
நீ என்னைத்தான்
நினைக்கிறாய் என்று
நினைக்க
எனக்கு சில நிமிடங்கள் போதும்.
என்னை மறந்து விட
உனக்கு
ஒரு நொடி கூட தேவையில்லை
என்பதை
நான் விழுங்க எனக்கு
பல நூறு யுகங்கள்
வேண்டும்.
________________________________________
கல்லாலன்.
தர்ப்பணம்
_______________________________
நீ என்னை தமிழில்
கூப்பிட மாட்டாயா என்று தான்
மகனே
ஆண்டு தோறும்
நான் வருகிறேன்.
இப்போதும் புரியாத மொழியில்
தர்ப்பைப்புல்லை வைத்து
மல்லுக்கட்டிக்கொண்டிருக்கிறாயே.
காக்கை கத்திவிட்டு
பறந்து விட்டது.
______________________________________
கல்லாலன்.
காதல் செய்வதை
மழைக்கு சொல்ல முடிகிறது.
குருவி கிளிகளிடம்
பகிர்ந்து கொள்ள முடிகிறது.
பட்டாம்பூச்சி சிறகுகளிடமிருந்தும்
பட்டா வாங்கி
வைத்துக்கொள்ள முடிகிறது.
அவளிடம்
ஐ லவ் யூ சொல்ல
எப்போது செல்லலாம் என்பதை
சொல்லும்
சோதிடரைத்தான் இன்னும்
காண முடியவில்ல.
________________________________________________
கல்லாலன்.
ஹைக்கூ
மூன்று வரிக்குள்
சல்லாத்துணிக்குள்
மண் தின்ன புறப்பட்டது.
___________________________
கல்லாலன்.
கருத்துகள் இல்லை:
கருத்துரையிடுக