காத்திருப்பு
_______________________________________
சொற்கீரன்.
சரி
ஒரு ரோஜாப்பூவை இன்று
நீட்டி விட வேண்டியது தான்.
என்ன சொல்லி கொடுக்கவேண்டும்?
ஹாய் என்றா?
ஓ மை டியர் என்றா?
ஸ்வீட்டி என்றா?
"வெண்ணிலவே வெண்ணிலவே.."
ரஹ்மான் ட்யூன் பின்னாலேயே
காதில் இன்ப நுண்ணலைகளை
கிளு கிளுக்கட்டும் ..
என்றா?
எனக்குள் ஒத்திகை முடிந்தது.
நான் நின்று கொண்டிருக்கிறேன்.
ஒற்றை ரோஜாப்பூவுடன்..
இடம் ...நேரம்..
எதுவும் குறிப்பிடவில்லையே..
அதெல்லாம் சரி.
யார் அவள்?
அதுவும் தெரியவில்லையே.
இன்று இரவு
கனவு வரும் வரை அல்லவா
காத்திருக்க வேண்டும்!...
_______________________________________________________
கருத்துகள் இல்லை:
கருத்துரையிடுக