மெரீனா குறும்பாக்கள்
=======================================ருத்ரா இ பரமசிவன்
கடல் உள் வாங்கிக்கொண்டது
இப்போராட்ட அலையின்
அதிசயம் கண்டு.
வாட்ஸ் அப்பும் முகநூல்களும்
கத்தியின்றி ரத்தமின்றி
கண்ட குருட்சேத்திரம்.
"காளையின் படம் வரைந்து
பாகங்களைக் குறி".....விடைத்தாளில்
எரிமலையின் படம்..
ஜல்லிக்கட்டா ? பீட்டாவைக்கேள் என்றவர்கள்
அவசர கூட்டங்கள் போட்டு
பெற்றெடுத்தார்கள் அவசர சட்டத்தை.!
செல்போன்கள் இரவுக்கு இட்டன
நிலாப்பிஞ்சுகளில்
முத்துப்பந்தல் தனை!
எல்லோருடைய கண்களிலும் தெறித்தது.
எல்லோருடைய குரல்களும் ஒலித்தது
உலகத்தமிழின் ஒரே இதயம்!
===========================================================
கருத்துகள் இல்லை:
கருத்துரையிடுக