விடுங்கள் பிழைத்துப்போகட்டும்
___________________________________
"பேப்பரட்டீஸ்"
என்னத்தை எழுதுவது என்று
எழுதி முடித்து
அதோ கசக்கி தூக்கி
எறிந்தாயிற்று.
எழுத்து எதையோ முட்டிக்கொண்டு
முரண்டிக்கொண்டு
நிரடுகிறது இடறுகிறது..
முரண்படு முரண்படு
அப்போது தான் உன்னை எரிக்கும்
தீயை உணர்வாய்.
வேண்டாம் வேண்டாம்
கன்னத்தில் போட்டுக்கொள்.
கண்களை மூடிக்கொள்...
உடன்பாடு என்று
சாக்கடைச்சேற்றை அள்ளிப்
பூசிக்கொள்..
இப்படி
கவிதைகளுக்கும்
இலக்கியங்களுக்கும்
காகித கசக்கல்களுக்கும்
குப்பைத்தொட்டிகளுக்கும் இங்கு
பஞ்சமில்லை.
விடுங்கள்
விருதுகள் பிழைத்துப்போகட்டும்.
_______________________________________________
அது யார் "பேப்பரட்டீஸ்" என்று கேட்கிறீர்களா?
அவன் பெயர் எழுதப்பட்ட காகிதங்களைக்கூட
சிந்திக்க வைத்தான் சாக்ரட்டீஸ்.
இன்று வெறும் பேப்பர்கள்தானே உலாவருகின்றன.
உலகம் மற்றும் உலக மானிடம் என்பது
எங்கே இருக்கிறது என்று
உற்று நோக்கவேண்டிய டெலஸ்கோப்புகள் தான்
நம் கண்டுபிடிப்புக்கு காத்திருக்கின்றன.
இந்த "பேப்பரட்டீஸும்" இப்படி ஒரு கனவு வாதியே.
___________________________________________________________
கருத்துகள் இல்லை:
கருத்துரையிடுக