வாளி
_______________________________________
நான் கடவுளிடம் பேசினேன்.
நீ இப்போது எதைசெய்கிறாயோ
அதை
நீ தான் செய்வாய்..
நீ தான் செய்ய வேண்டும்..
நீ மனிதக்குஞ்சு அல்ல..
என்று சொல்லி விட்டு மறைந்தார்.
.............
அப்போ
அந்த நாலு வேதம் சொன்னது எல்லாம்...
எந்த நாலு வேதம் என்று
திருப்பிக்கேட்டார்...
ஓஹோ ..அப்படியா?
நாகப்புரம் கொந்தளித்தே விட்டது.
நிழல் யுத்தத்தில்
அம்புகள் மோதி முறிந்து கொள்வது கூட
ஆத்மீக நிழல் என்றும்
கோமாதாவின் கொம்பு அசைவுகளின்
கோலச்சித்திரம் என்றும்
கொண்டாடிக்கொண்டனர்.
இந்த அறி"வாளி"கள் தேசத்தின்
ஓட்டை வாளியில்
எல்லாம் ஒழுகிப்போன பின்னும்
இருட்டு மந்திரங்களே
கெக்கலித்துக்கொண்டிருக்கின்றன.
__________________________________________
சொற்கீரன்.
கருத்துகள் இல்லை:
கருத்துரையிடுக