மெழுகு சிலைக்குள் "அய்யா" விஜயசேதுபதி.

மெழுகு சிலைக்குள் "அய்யா" விஜயசேதுபதி.
====================================================ருத்ரா


மெழுகுசிலைக்குள்
அய்யா இருக்கிறார்.
அய்யாவுக்குள்
இருக்கும்
சீதக்காதி எதில் இருக்கிறார்?
கதையிலா?
நடிப்பிலா?
தர்மத்தை கவ்விய சூது
இன்னும்
தர்மத்தை விடவில்லை போலும்.
அதற்குத்தான்
கையில் அந்த வில்லும் அம்புமாய்
அய்யா எனும் நாடகக்கலைஞராய்
வரப்போகிறாரோ?
ஏதோ
இந்த திரைக்குள் திரையாய்
ஒரு முகம் காட்டி
அந்த நரம்பு முடிச்சுக்குள்
என்ன புதிர் அவிழ்க்கப்போகிறார்?
அந்த தடித்த கருப்பு ஃப்ரேமுக்குள்ளிருந்து
கனல் கண்களின் கதிர்வீச்சை
இந்த மெழுகு தாங்குமா?
அந்த நரைத்த தலைக்கிரீடத்துடன்
நடிப்புக்கலையின் இந்த‌
மன்னன் எப்படி ஆளப்போகிறார்
இந்த "பாக்ஸ் ஆபீஸ்" ராஜ்யத்தை?
நம் ஆவல் சூடேறிக்கொண்டே போகிறது.
சீதக்காதி என்ற பெயரில்
ஒரு அற்புத வரலாற்றுக்களஞ்சியம்
கவிந்து கிடக்கிறது
அவர் நடிப்புக்கு ஒரு கருவூலம்
அதில் கிடைக்கலாம்.
96ல் ஒரு "ஊமைக்காதல்"
பேசாமல் பேசிய காவியங்களை
நாம் அறிவோம்.
சமாதி பிளக்கட்டும்
அந்த மோதிரம் வெளியே வந்து
ஒரு வெளிச்சம் காட்டட்டும்.
அந்த மெழுகுக்குள்ளிருந்து
ஏதோ ஒரு அஜந்தா சிற்ப அதிசயம்
உருகிக்கசியலாம்.
இல்லை
திடுக்கிடும் எரிமலை வீச்சுகள்
பிதுங்கி வழியலாம்.
அந்த தொள தொள சட்டைக்குள்ளிருந்து
கந்தல் ஆகிக்கிடக்கும்
சமுதாயத்தைப் புரட்டிப்போட்டு
அதற்கு புத்தாடை அணிவிக்கும் கனவு
ஒன்று புறப்படப்போகிறதா?
அந்த கச்சாஃபிலிமின் கதைச்சிப்பத்தில்
வீசுவது
புத்த வாடையா?
ரத்த வாடையா?
காத்திருப்போம்.
இன்னும் சில நாள் தானே!

====================================================