விஜய் மகா சமுத்திரம்
_________________________________
சொற்கீரன்
இந்து மகா சமுத்திரத்தை
பெயர்த்துக்கொண்டு வந்து விட்டாரா
விஜய்?
இன்னோரு எம் ஜி ஆர் வெள்ளமா
விஜய்?
தமிழ் மக்கள்
ஒரு நில நடுக்கத்தை
எதிர் கொள்ளப்போகிறார்களா?
கோடி கோடி பணத்தை
கொட்டப்போகிறது அவரது
ஒரு திரைப்படம் என்பது
நன்கு தெரிகிறது?
தமிழ்த்தரைப்படத்தில் ஒரு திரைப்படமா?
அது தான் அந்த பஞ்ச் டைலாக்.
"அது "ஃபாசிசம்னா"இது என்ன "பாயசமா?"
பெரியாரின் அட்டைக்கருப்பு நாத்திகம்
எங்களுக்கு இல்லை.
அவரது பெண்ணுரிமை சமூக சமத்துவமே
எங்கள் அடி முழக்கம்.
இது என்ன திராவிட மாடலா? குடும்ப ஆட்சியா?"
இவர் இப்படி பலூன்கள் விட்டிருக்கிறார்.
தமிழ் நாட்டின் நலத்திட்டங்களுக்கு
உலகமே பாராட்டுகிறது.
தமிழர்களே
இந்த வெள்ளம் உங்களை
கரையேற்றுமா? மூழ்கடித்து விடுமா?
என்பது
உங்கள் சிந்தனை எழுச்சியில் இருக்கிறது.
உங்கள் சிந்தனைப் புரட்சியில் இருக்கிறது.
தமிழ் எதிரிகளுக்கு இது பாயசம் அல்லது அல்வா வாக
இருக்கலாம்.
அல்லது தமிழ்ச்சுடர்களுக்கு இது ஒரு பாய்சனாகவும்
இருக்கலாம்.
ஃபாசிசத்தை பாயசம் ஆக்கி
அதாவது இனிய நலத்திட்டங்கள் ஆக்கி
தமிழர்களுக்கு
வெற்றிச்சரித்திரத்தை
படைத்துக்கொண்டிருக்கிறது
தமிழ் நாடு அரசு!
காமிராவுக்குள்
கானல்நீர்க்கோட்டை
கட்டிக்கொண்டிருப்பவரால்
இந்த உண்மையின் தரிசனத்தை
காணமுடியுமா? என்ன?
தமிழர்களுக்கு நாடகக் கூட்டங்கள் வேறு.
சினிமாவுக்குள் சினிமா காட்டலாம்.
சிந்தனை வெளிச்சங்களுக்குள்
சினிமா இருட்டுகளின் கவர்ச்சிகள்
வெற்றி காண இயலாது.
மாற்றான் தோட்டத்து
மல்லிகையும் சரி
உள்ளூர்க் காட்டின்
கள்ளிகளும் சரி
தமிழனுக்கு அது
யாதும் ஊரே யாவரும் கேளிர் தான்.
நிகழும் வரலாற்று நொதிப்புகளில்
வெறும் பேரிரைச்சல்களும்
கூட்ட நெரிசல்களும்
தள்ளு முள்ளு செய்து கொண்டு
ஓடுவதில்
மீண்டும் நம் தமிழ்
நசுங்கி கூழாகலாம்.
தமிழ் ஒரு பிரளயம்.
அது நிகழ்வுகளில் மூழ்காதது.
நிகழ்வுகளை
தன் பாதையாக ஆக்கிக்கொண்டு
ஓடும் பேராறு.
அந்த பஃறுளி யாறு
தடுக்கும் இமயங்களைக்கூட
கூழாங்கற்களாய் புரட்டித்தள்ளி விட்டு
பெருகும் பெருகும் பெருகும்.
வாழ்க தமிழ்!
வெல்க தமிழ்!!
________________________________________________________
கருத்துகள் இல்லை:
கருத்துரையிடுக