ஈரோடு தமிழன்பன் கவிதையில்
ஊற்று வெட்டி உருவாக்கிய வரிகள்
______________________________________
சொற்கீரன்.....19.10.2024
மனிதன் ஊமையாய்
கைக்குறி
காட்டி நின்ற போது
அவன்
இருட்டைத்தான்
பிசைந்து கொண்டிருந்தான்.
இன்னும் அது
என்ன? என்ன?
என்று
எண்ண ஆரம்பித்ததும்
உள்ளுக்குள்ளேயே
எழுந்தான் எழுச்சி பெற்றான்.
இதுவே இங்கு
"ஏண்ணும் எழுத்தும்" கண் என ஆகியது.
அது இல்லாமல் தான்
குருடாய் நின்று
காற்றில் கயிறு திரித்தான்.
விடியல் எனும்
சொல் எத்தனை ஒளி ஒலி ஆனது?
அதுவே அவனுள்
மன்னி நிற்கும் மனம் தந்தது.
மனம் மனிதன் ஆனது!
அய்யா!
உங்கள் வரிகளை உரிக்க உரிக்க
ஏழு அல்ல ஏழாயிரம் கடல்கள்
பொங்கி வருகின்றன.
மிகவும் சிலிர்த்துவிட்டேன்
உங்கள் சொற்களில்!
__________________________________
சொற்கீரன்
கருத்துகள் இல்லை:
கருத்துரையிடுக