ரஜினியின் வேட்டைத்துப்பாக்கி.
___________________________________
சொற்கீரன்
சிகரெட்டை தூக்கி எறிந்து
வாயில் கவ்வும்
அதே இவரது
யுத்த தந்திரம்
இப்போது
மூக்கு கண்ணாடியை
எகிற வைத்து
கண்களில் அமர்த்திக்கொள்வது.
இது
அபி நயமா?
ஸ்டைலா?
நடிப்பா?
மேன்னரிசமா?
எதுவோ எப்படியோ
அந்த
பஞ்ச் டைலாக் எனும்
"பந்து அடிக்கும் வசனம்"
இவரது நயம்.
இது இன்னும் கூட
நூறு ஆண்டுகளுக்கு
வசூல் குவிக்கும்.
மராட்டிய மண்ணுக்குள்
தமிழின் மின்சாரம் பாய்ச்சிய
சொல்லின் கூர்மை அது.
வேட்டையன் குறி வைக்கும்
"என்கவுண்டர்"
எல்லா மூலை முடுக்குகளையும்
துழாவுகிறது.
வீரப்பன் விழுந்தது.
யோகி ஆதித்தனார்
காவிக்குண்டுகளில் குவித்தது.
இப்போதும்
சென்னையில் காக்கித்துப்பாக்கிகள்
வெடித்தது.
செம்மரக்கட்டைகளில்
புல்லட்டுகள் துளைத்ததை
தொட்டுக்காட்டியது.
எல்லாமே
என்கவுண்டர்களின்
எட்டுத்தொகையும்
பத்துப்பாட்டும் தான்.
நீதியும் ஜனநாயகமும்
துப்பாக்கியை வைத்து
தராசு காட்டும்
விளையாட்டை அருமையாக
அரங்கேற்றியிருக்கிறார்
ஞானவேல் ராஜா அவர்கள்.
அவருக்கு நிச்சயம் இது
வேல் வேல் வெற்றிவேல் தான்.
துப்பாக்கிக்குழல்கள் தான் அதிகார ஊற்று
என்று ஒரு
சித்தாந்த மேதை
சித்திரம் காட்டிப்போய்விட்டான்.
துப்பாக்கிக்குழல்களே
ரோஜா நாற்றுகளை
சொருகிக்கொண்டு
ஜனநாயக "பூச்சாண்டி"காட்டும்
கரு தான் திரைக்கதை.
இந்த "டாய் ஸ்டோரிகளே"
நம் அன்றாட வரலாறுகள்
ஆகிக்கொண்டிருப்பதில்
எத்தனை "சிந்துவெளி சரஸ்வதிகளை"
தோண்டிக்கொண்டிருக்க முடியும்?
________________________________________________________
கருத்துகள் இல்லை:
கருத்துரையிடுக