தமிழா!தமிழா!!
_______________________________________
இந்த அழைப்பு
உன் அடி ஆழத்திற்கு செல்ல
ஒரு வரலாறு தேவைப்படுகிறது.
குகை மனிதர்கள்
நகர் மனிதர்களாக ஆகும் வரை
நடந்த வேட்டைகள்
ஓடிய ரத்த ஆறுகள் எல்லாம்
எல்லாம் கூட
ஒரு சினிமாப்படத்தின்
பிரம்மாண்டத்தில்
உனக்கு இப்போது காட்டப்படுவதை
நீ பார்த்திருப்பாய்.
இந்த உலகம் அதில் ஒரு
வெளிச்சத்தைக்கண்டிருக்கிறது.
அதுவே நம் தமிழ்!
நாம் இடையில் விலங்குகள்
பூட்டப்பட்டோம்.
அவை இன்னும் மிச்ச சொச்சங்களாக
நம்மை அழுத்திக்கொண்டிருக்கின்றன.
அவையே
சாதிகளும் மதங்களும் மற்றும்
வறட்டு சாத்திரங்களும்.
ஆனால்
இதுவே போதையாகி
நம்மை இன்னும் இன்னும் கீழே
அழுத்திக்கொண்டிருக்கிறது.
சூழ்ச்சிக்கார கூட்டம் ஒன்று
இதையே நம்மிடையே கவர்ச்சிகரமான
கடவுள்கள் என்றும்
நாங்கள் சொல்லும் இந்த
கடவுள்கள் மட்டும் தான்
உங்கள் கடவுள் என்றும்
சட்டத்தை விடவும் அதிகாரமிக்க
கட்டளைகளை வைத்து
அச்சமூட்டு கின்றன.
ஜனநாயகம் எனும் பரிணாமத்தை
சுக்கு நூறாக்கவே
இந்தக் கூட்டம் சதி செய்கிறது.
அரசியல் சட்டம் எதற்கு?
தேர்தல்கள் எதற்கு?
மாநிலங்கள் எதற்கு?
பாவங்களின் வடிவமான
இந்த மக்களா
சட்டங்களை இயற்றுவது?
நானே கடவுள்
எல்லாவற்றையும் இயக்குபவன்.
என் அம்மா இறந்தபோது
இதை நான் புரிந்து கொண்டேன்
என்று சொல்லிக்கொண்டு
ஒரு குரல் மேலெழும்பியதை
நீங்கள் கேட்கவில்லையா?
இதை எதிர்த்தே ஆகவேண்டும்
என்பதே திராவிடம்.
ஆகா..இதோ பாருங்கள்
வானத்தை அப்படியே கறந்து
ஒலியாக்கி
நான்கு வேதம் ஆக்கியிருக்கிறோம்
என்று ஒரு கூட்டம் வந்தது.
ஆனால் அது
மக்களின் மீது
மயக்கும் மந்திரக்கூச்சல்களின்
தூரிகையை வைத்து
நான்கு வர்ணம் பூசியது.
நாங்களே முதல் வர்ணம் மட்டும் அல்ல
நாங்களே அந்த கடவுளின்
தொப்பூள் கொடியிலிருந்து
திரித்து முறுக்கிய
நூல் அணிந்திருக்கிறோம்
என்றது.
இந்த சமுதாயத்தையே
தன் உழைப்பால் படைத்து
வியர்வையும் ரத்தமும் சிந்திய
தொண்ணூறு சதவீதத்துக்கும்
அதிகமான மக்களை
அடிமை வர்க்கம் என்றும்
அவர்கள் இழிபிறவிகள் என்றும்
கோடு போட்டது.
அந்த நச்சுக்கோடுகளே
சாத்திரங்கள் ஆகின.
இதில் நம் எரிமலைத்தமிழ்
என்ன ஆயிற்று?
கடவுள்கள் சாதிகள் மதங்கள் எனும்
கும்மாளங்களில்
நீர்த்துப்போகும் படி செய்தது
அந்த நரிக்கூட்டம்.
ஆளும் ஆதிக்கம் அந்த
நரிகள் சொல்வதையே
சட்டங்கள் ஆக்கியது.
அப்புறம் ஆயிரம் இரண்டாயிரம் என்று
ஆண்டுகள்
கொடுமையான கனபரிமாணமாய்
ரோடு ரோலர்கள் ஆகிய
அந்த சுயநலக்கும்பலுக்கே
பாதைகள் ஆகி நசுங்கிக்கிடந்தோம்.
தமிழர்களே!
அந்தப்பாதைகளில் செல்லும்
வண்ண வண்ண வாகனங்களின்
அடியில்
உங்கள் எலும்புகள் நொறுங்கும்
சத்தங்கங்கள் கேட்க வில்லையா?
இடையில் ஆங்கிலேயன்
வந்தான்.
அவனும் கனத்த
அடிமைச்சங்கில்களுடன் தான்
வந்தான்.
அவன் திறந்து வைத்த
ஆங்கிலம் என்னும் சன்னல் தான்
வெளிச்சம் காட்டியது.
வேத வர்ணங்கள் நம்மை
சவக்குழியில் வீழ்த்தியது புரிந்தது.
த்ரமிளம் என்றும் த்ரவிடம் என்றும்
நம் மொழியை
மிலேச்சம் எனும் அசிங்க மொழியாக
அந்த நரிகள் ஆக்கி வைத்திருந்த
தந்திரம் புரிந்தது.
அவர்களே நம் தமிழை திராவிடம்
என்று சொன்னதால்
அந்த வெள்ளைச்சாளரம் வழியாகவே
நம்மிடம் ஒரு ஆயுதமாக அது
வந்து விட்டது.
நம்மைச்சுரண்டும் ஆதிக்கத்தை
அதை வைத்தே தான் நாம்
எதிர்த்தாக வேண்டும்.
அந்த சூழ்ச்சியை நாம் புரிந்து கொண்டதன்
வடிவமே திராவிடம் என்பது.
என்னருமைத் தமிழர்களே!
இந்த திராவிடத்தை நம்பாதீர்கள்
என்று
பசப்பல் மொழியில்
பல வித வேடங்களில் வருகிறார்கள்.
அந்த ஜிகினா அவதாரமே
இப்போது நம்மிடையே வலம் வரும்
அந்த விஜய் எனும் "பைப்பர்".
இவர் ஊதும் குழலில் மயங்கி
எலிகளாகி கூட்டம் கூட்டமாய் போய்
அந்த
மரண ஆற்றில் மூழ்கி விடாதீர்கள்.
ஆம்.
வரும் 2026 என்பது
தமிழின் எதிரிகள் எனும்
திராவிடத்தின் பகைவர்கள்
நம் தமிழ் நாட்டை பாழ்வனம் ஆக்க
பல குரல்களில்
அரிதாரப்புகை தூவி
வருகிறார்கள்.
விஜய் எனும் அந்த துடிப்பான
இளைஞருக்கு நம் வாழ்த்துக்கள்.
ஒரு விஷம் முறிவு பட
அந்த விஷமே மருந்து ஆவது இல்லையா?
இவர்கள் விஷமத்தனமான முழக்கங்களும்
அப்படித்தான்.
இப்போது தான் திராவிடப்பகையின்
புகை மூட்டம் நமக்கு புரிகிறது.
ஆம்
விஜய் அவர்களே
நீங்கள் கக்கும் விஷத்துக்கு
உங்கள் அர்த்தமற்ற பிதற்றல்களே
விஷமுறிவு..
விஜய் அவர்களே வருக!
பட்டி தொட்டியெல்லாம்
நம் திராவிட மாடல் மேலும் மேலும்
கூர்மை பெறும்.
நீக்கள் கூறும் ஊழல் எதிர்ப்பு
உங்கள் மேநாட்டுக் காரிலிருந்து
தொடங்குகிறது என்பது
இனி வெட்ட வெளிச்சமே.
_________________________________________________
