வார் ரூம்
_____________________________________
கல்லாடன்
ஒரு முதுகெலும்பை
படைத்து வைத்துக் கொண்டு
நிமிர்ந்து நிற்பதாய்
டிங்கரிங் செய்து கொண்டிருக்கும்
முட்டாளே!
இப்போது பார்..
சைத்தான் கர்ஜித்தான்.
கடவுளை சவாலுக்கு அழைத்தான்.
மூளைக்குள் கடவுளாய் புகுந்து
பக்தியாய் சகதியாய் சாதிகளாய்
சாக்கடையாய்
சிந்தனைகள் அற்ற
முடை நாற்றமெடுத்த
உலகம் ஆக்கினான்.
இறுதியில் நாடகம் முடிந்து
இருவரும் அந்த க்ரீன் ரூமுக்குள்
கை குலுக்கிக்கொண்டே
நுழைந்தார்கள்.
அறிவு கல்லறைக்குள் படுத்துக்கொண்டது.
மனிதம் மழுங்கிப்போனது.
மதம் தூவியது எங்கும்
மரணத்தின் விதைகளை.
______________________________________________
கருத்துகள் இல்லை:
கருத்துரையிடுக