இது துயில் அல்ல.
எனக்குத் தெரியும்
இது புயல்.
இது அவள் காதலின் பிரளயம்.
கடல்களுக்கே
வயிற்றைக்கலக்கும்
இன்ப அதிர்வுகளின்
புழுக்கூடு.
அமைதியாய் இமைகளின்
இலைக்கவிப்பில்
கிழித்துக்கொண்டு
சிறகு விரிக்கப்போகும்
ஒரு சுநாமியின் பட்டாம்பூச்சி.
காதலே வா!
சிறகுகளை படபடத்து வா!
இமை விளிம்பின் மயிர்க்கால்களில்
ஒதுங்கத்துடிக்கும்
காதல் தவிப்பின்
வண்ணக்குழம்பு...
ஒரு கோப்பையில் கற்பனையாக
ஏந்தி நிற்கிறது
உயிரே இல்லாத கவிதைகளின்
உயிர் எழுத்துக்கள்.
____________________________________________________________
ருத்ரா
----------------------------------------------------------------------------------------------
Thanks for this source:
கருத்துகள் இல்லை:
கருத்துரையிடுக