எம் கே டி
____________________________________________________-
ருத்ரா
எம் கே டி
இந்த மூன்றெழுத்தில்
மூண்ட
இசையின் இனிய தீக்கொழுந்துகள்
அன்று
ஏதோ ஒரு விரல் பட்ட
அழுத்தத்தில்
என்னை அந்த
கணிப்பொறி விசைப்பலகையின்
இசைப்புயலுக்குள்
மூழ்கடித்து விட்டது.
எத்தனை எத்தனை பாடல்கள்!
வரிசையாக
அந்த இசை நயாகரா
கொட்டித்தீர்த்தது
என் செவிகளுக்குள்.
கடைசிச்சொட்டாக
"அசோக் குமார்"ல்
அவரது
அந்த தாலாட்டுப்பாட்டில்
பொட்டென்று தெறித்தது
கண்ணீர்த்துளியின்
அமிலத்துப் பிரளயமாய்.
சோகம் கூட
இனிமையை இப்படிப்பிழிந்து
பிரபஞ்ச ரசம்
பெய்யுமா என்ன?
எம் கே டி என்னும்
வரலாறு
காட்டாறுகளுக்கெல்லாம்
காட்டாறு.
தெளிந்த ஓடைகளுக்குள் எல்லாம்
தெளிந்ததாய்
பளிச்சிடும் பளிங்கின் தடங்கள்.
___________________________________________________
கருத்துகள் இல்லை:
கருத்துரையிடுக