தாத்தாவும் தாயும்
________________________________________
தாய்மொழி நாள் இன்று
அகமகிழ்ந்து கொள்வோம்.
கொஞ்ச நாள் முன்பு
தமிழ்த்தாத்தா என்று
கொண்டாடினோம்.
அப்படியானால் இன்றைய
தமிழ்த்தாய்க்கு
அவர் அப்பாவா?
உடனே ஆம்
சமஸ்கிருதம் தான் அம்மா
என்று
ஸ்லோகங்கள் குவித்து விடுவார்களே
தமிழர்களே!
உணர்ச்சிக்கு சொக்கப்பனை
கொளுத்துங்கள் கவலையில்லை.
அதில்
அறிவு சாம்பல் ஆகிவிடலாமா?
சுவடிகளில்
தமிழை ஒலிப்பித்த
அந்த செம்மல் வாழ்க.
உலகம் முழுதும்
வேர் பிடித்து
வேர்த்தூவிகளாய்
உயிர்த்துக்கொண்டிருக்கும்
நந்தம் செந்தமிழ்
வாழ்க வாழ்க
நீடு வாழ்க!
_______________________________________
ருத்ரா
கருத்துகள் இல்லை:
கருத்துரையிடுக