தலைவா...
==================================ருத்ரா
ஒரு நூறு இளைஞர்களைக் கொடுங்கள்
போதும்.
நம் முகத்தையே
நம் அகத்தையே
மாற்றிக்காட்டுகிறேன்.
இந்த உலகம் நம் மீது
அமுக்கிக்கொண்டிருப்பதற்குப் பதில்
நாம் நம் விரல் நுனியில்
இந்த உலகத்தை சுழலவைக்கலாம்
என்கிறார்கள்.
அதன் படி
நூறு இல்லை
மில்லியன் மில்லியன்களாக
மிஸ்ஸ்டு கால்கள்
மிதக்க விடுகிறார்கள்.
நம் வரலாறுகள் தொலைந்து போனதாக
புலம்புகிறார்கள்
வரலாறு என்பது
காலப்பாம்பு புதிது புதிதாக
சட்டையுரித்துக்கொண்டு
வெளிவருவது தானே
இயற்கையான பரிணாமம்.
ஆனால்
பழைய அடக்குமுறைக்கு
புதிய காஸ்டீயூம்களை
சாதி மத வர்ணங்களோடு
தைத்துக்கொடுக்கும்
கார்பரேட் ஊடகங்களையும்
அரசு எந்திரங்களையும்
கையில் வைத்துக்கொண்டு
இந்த மக்களை பஞ்சாங்கத்தின்
படுகுழியில் தள்ளுவதற்கா
இங்கு தலைமை வேண்டும் ?
குஜராத்தை காட்டி மிரட்டியவர்கள்.
புல்வாமாவையும் காட்டி மிரட்டுபவர்கள்.
இந்தியா முழுவதையும்
அவர்களுடை சுரண்டல் ராமர்களுக்கு
நைவேத்தியம் செய்யவே துடிக்கிறார்கள்.
இந்த தலைமையா
நம் சுதந்திரத்தை காக்கப்போகிறது?
இதற்குப்பதில்
சினிமா எனும் அந்த ஜிகினா உலகத்து
தலைவர்கள் எவ்வளவோ மேல்.
தலைவா என விசில் அடித்து
அங்கே பின் தொடருங்கள்.
அங்கே கூட அரசியல் நெடியும் காரமும்
நம்மை மிரள வைத்து சிந்திக்க வைக்கும்.
நாமும் சூப்பர் ஸ்டார் பின்னால்
அணி திரளத்தயார்
ஆனால் அவர் ஏதோ மாயமாய்
ஆனமீகப்புல்லாங்குழல் ஊதி
நம்மையெல்லாம் விநாயகர் சதுர்த்தி
எலிகளாக்கி கடலில் கொண்டுபோய்
கரைத்துவிட்டால்
என்னாவது?
நமக்கு ஒரு தலைவர் வேண்டும்
தமிழ் எனும் மின்னல் பாய்சசி
தமிழர்களின் இன்னல் போக்கும்
உரிமைத்தலைவன் வேண்டும்.
நம் சிந்துத்தமிழின் நாகரிகமே
இந்திய நாகரிகம் எனும்
உண்மையை
திராவிடம் எனும் சிந்தனையில்
சுடரேந்தியவனாக
இங்கே வலம் வரவேண்டும்.
சும்மா கர்ஜனைகள் செய்து
தமிழ் இனத்தையே கருவறுப்பதற்கு
காரணம் ஆகிவிடும்
தீப்பந்தக்காரர்கள் தேவையில்லை.
அங்கே மண்டியிட்டுக்கொண்டு
இங்கே
அம்மாவுக்கு மண்டபம் கட்டுகிறேன்
அய்யாவுக்கு மண்டபம் கட்டுகிறேன்
என்று
நம் தமிழின் ஐந்திணைகளையும்
கார்ப்பரேட்டுகாரர்களின் பசிக்கு
தீனியாக்க
தீனக்குரல் எழுப்பும் தலைவர்களும்
தேவையில்லை.
எங்கள் தமிழ்க்கனவுகளை
தாங்கிய
வீரத்தலைவா!
நீ எங்கிருந்தாலும் வா!
தமிழ் வாழ்க!
தமிழ் மக்கள் வாழ்க! வாழ்க!!
================================================================
================================================
கருத்துகள் இல்லை:
கருத்துரையிடுக