ஆயா ராம் ..கயா ராம் ..அமித்ஷா "வெர்ஷன்"

ஆயா ராம் ..கயா ராம் ..அமித்ஷா "வெர்ஷன்"
=======================================================ருத்ரா

அமித்ஷா அவர்களே
கர்நாடகாவில்
உங்கள் கவிழ்ப்பு அரசியல் கண்டு
பாரத மாதா வெட்கித் தலைகவிழ்ந்தாள்.
கேட்டால்
காங்கிரஸ் செய்தது தானே
என்று கீறல் விழுந்த ரிக்கார்டை
ஒலிப்பது தானே
உங்கள் தேசியகீதம்.
உங்கள் தந்திரம் நேர்மையானது
என்றால்
அரசு எந்திரங்களை
உங்கள் கைக்குள் போட்டுக்கொண்டு
பொம்மலாட்டம் நடத்துவதை
உங்களால் நிறுத்த முடியுமா?
இதே கவிழ்ப்பு அவதாரங்களை
நீங்கள் ஆளும் அல்லது
உங்கள் பினாமி மாநிலத்தில்
நிகழ்த்த முடியுமா?
பாருங்கள் அண்டை மாநிலத்தில்
கழுதை தேய்ந்து கட்டெறும்பாய்
பரிணாமம் அடைந்து விட்ட
ஒரு சிறுபான்மைக்கு
முட்டுக்கொடுத்து அங்கு
தாமரையை பூக்க வைக்க
அதாவது தகிடு தத்த தாமரையை
பூக்க வைக்க முகூர்த்தம் 
பார்த்துக்கொண்டிருக்கிறீர்கள்.
ஆயா ராம் கயா ராம் என்று
அவர்கள் நடத்திய
ராமாயணத்தை தானே
நீங்களும் நடத்துகிறீர்கள்.
உங்கள் புடம் போட்ட
ராமனுக்கு
அயோத்தியில் கோவில் கட்டுவதில் கூட
இந்த அதர்ம ராமனைத்தானா
பிரதிஷ்டை செய்யப் போகிறீர்கள்?
இப்படி ராமர்களும் ராவணர்களும்
ஆள் மாறாட்டம் செய்வது தான்
உங்கள் ராமராஜ்யம் என்றால்
இனி அந்த "ராம் லீலா"மைதானத்தில்
எரிக்கப்படுவது
யார் என்று
உறுதி கூற முடியுமா?
உங்களால்?

====================================================================