பிகில்

பிகில்
=================================ருத்ரா

பிகில் ஃபஸ்ட் லுக் வந்து விட்டது.
விஜய் ரசிகர்களுக்கு
கொண்டாட்டமோ கொண்டாட்டம்.
அது ஆங்கிலத்தலைப்பாக இருந்தாலும்
விஜய்யின் தமிழ்க்குரலாக‌
அதை கேட்கத்துவங்கிவிட்டார்கள்.
விசில் என்பதன் மதராஸ் மொழி அல்லவா அது.
சென்னையே சிலுப்பிக்கொண்டு
ஓடுவது போல் அல்லவா இருக்கிறது.
பெண்கள் கால் பந்தாட்டம்.
விஜய் ரெட்டைவேடம்.
இந்த சந்தடிக்குள் யோகிபாபு.
உதை படும் பந்தாக வேண்டுமானாலும்
அவர் நடிக்கத்தயார்.
ரசிகர்கள் வயிறு குலுங்க சிரிக்கத்தயார்.
சர்காருக்குப்பின்
அரசியல் சூறைக்காற்று
என்ன ஆச்சு?
இந்த கால் பந்தாட்டத்திலும்
அந்த காற்றடைத்த பந்தில்
ஒரு புயலை நிரப்பி வைத்திருப்பாரோ?
தீபாவளி வரட்டும்
பார்க்கலாம்.
"சிவகாசி பட்டாசு" மாதிரி
வெறும் வெடிசத்தத்துக்கு மட்டுமே
இந்தப்படமா?
இல்லை அரசியல் நெடியும்
பிகில் சத்தத்துக்குள் இருக்குமா?
பார்க்கலாம்.
ஒரு விரல் புரட்சி என்று
ஆட்சி நாற்காலிகளை
பந்தாடியவர் ஆயிற்றே.
எதிர்ப்புகள் எகிறி எகிறி வரலாம்.
பந்தை
எங்கிருந்து வேண்டுமானாலும்
எப்படி வேண்டுமானாலும்
உதைப்பார்களே !
கோல் கீப்பராகவும் விஜய் தயார்.
கோல் அடிப்பவராகவும் விஜய் தயார்.
அவர் அடிப்பது பிகில் ஆனாலும்
அது புயல் அல்லவா.

====================================================