ஞாயிறு, 26 ஆகஸ்ட், 2018

என்ன பார்க்கிறாய்?



என்ன பார்க்கிறாய்?
===============================================ருத்ரா

என்ன நீ பார்க்கிறாய்?
பார்த்துக்கொண்டேயிருந்தால்
மட்டும் போதுமா?
ஏதாவது பேசேன்.
அதற்கு
"க்ளுக்"என்ற மென்சிரிப்பை
இனிப்பாக்கி
இங்கு சுற்றியிருக்கும்
காற்றுக்குள் எல்லாம்
உன்னை ஊற்றாக்கி
வட்ட வட்ட சிற்றலைகளாய்
மோனப்பெருவெளியில்
விரவி விட்டாயே!
மறுபடியும்
அதே "க்ளுக்"
அவன் ஆனந்த ததும்புகளில்
திக்காடிப்போனான்..

"ஏண்டா ஃபூல்
ஒரு வார்த்தை உரத்து
என்னிடம் பேச
உனக்கு என்னடா தயக்கம்.
இப்படி
இந்த தடாகத்து நிழலோடு
இத்தனை பேச்சா?"

ஒரு சிறிய கூழாங்கல்லை
தடாகத்து தண்ணீர்ப்பரப்பில்
எறிந்து விட்டு
பக்கத்து மரத்தின் மறைவிலிருந்து
வெளிப்பட்ட அவள்
இப்போது கல கல வென்று
சிரித்தாள்.

இப்போது அவனுக்கு
அந்த தடாகத்திலிருந்தும் கூட‌
ஒரு சுநாமி
தட தடப்பது போல் இருந்தது.
இன்ப அதிர்ச்சி அது!

===============================================

கருத்துகள் இல்லை:

கருத்துரையிடுக