நிலவில் ஒரு உலக இதய தினம்
____________________________________
ருத்ரா
நீ யார்?
உன் முகம் தெரியாது.
அகம் தெரியாது.
ஆனாலும் என்னைப்பார்த்து
வீசி விட்டுப்போனதாக
உன் புன்னகைப்பூ எனக்கு
உன் முகவரி தந்தது.
நீ
நிலாவில் இருப்பதாக!
சற்று பொறு.
இதோ வந்து விடுகிறேன்.
அதற்குள்
ஏதேனும் ஒரு விண்கல் வந்து விழுந்து
உன் முகவரி சிதைந்து போவதற்குள்
வந்து விடுவேன்.
அய்யோ.
நிலவில் ஒரு விண்கல் மோதியதாக
டி வி யில் தெரிகிறது.
மோதிக்கொண்டது அங்கே
இவன் இதயமும் அவள் இதயமும் தான்.
சிவப்பும் பச்சையுமாய் எரியும்
அந்த மத்தாப்பூ தெறிப்பில்
அவர்கள் புன்னகை தான்.
______________________________________
கருத்துகள் இல்லை:
கருத்துரையிடுக