வ உ சி எனும் உயிர் வெளிச்சமே வாழ்க
____________________________________________
ருத்ரா
வெளிச்சம் வேண்டுமானால்
தீ வேண்டுமே.
அடிமை இருட்டு அகல
இந்த தீ தான்
நம் பிணங்களுக்குள்
உயிர் பெய்தது.
சுதந்திர சுவாசத்தின் இந்த
தீவிர வாதம்
பொங்கிப்பெருகிய வரலாற்றின்
சுருக்கம் தான்
வ உ சி.
அடிமை மக்களின் வாழ்வை
மேலும் அடிமைத்தனத்தில்
தீயிட்டுப் பொசுக்கும்
மதவெறி காழ்த்த
தீவிர வாதம் அல்ல இது.
அதனால் தான்
இவரை வெறும் வியாபாரி என்று
கொச்சைப்படுத்திய போது
கொந்தளித்தது
செந்தணல் வீசிய
செந்தமிழ்க்கூட்டம்.
வ உ சி எனும்
சுதந்திரத்தின்
உயிர் வெளிச்சமே வாழ்க!
_________________________________
கருத்துகள் இல்லை:
கருத்துரையிடுக