இன்று எங்களுக்கு
54வது திருமண நாள்!
கெட்டி மேளங்கள்
தட்டி தட்டி இசைத்தபோது
எங்கேயோ
இமயங்கள் தேடி
சிகரங்கள் தேடி
இன்பக்களிப்போடு
நடக்கத்துவங்கி விட்ட
ஒரு உணர்வு.
எங்கள் இருவரது உள்ளங்களும்
அந்த தாமிரவருணி ஆற்று
பளிங்குப்பிழம்பாய்
நடந்தபோது
வாழ்க்கையின் பிம்பம் காட்டிய
ஒரு ஹோலோகிராஃபி ஓடியது.
வாழ்க்கை நிஜம் ஆகியது.
வெற்றிக்குவியல்களின் மேல்
எங்கள் பயணம்.
குழந்தைகள் பேரக்குழந்தைகள்
என்று
எங்கள் தேசம்
விரித்த பாசக்கொடியில்
இருந்ததெல்லாம்
அன்பின் மாணிக்கத்தருணங்களே.
இந்த நினவுகளும் நிகழ்வுகளும்
பின்னிய பொற்கொடியில்
மேலும் மேலும்
மகிழ்ச்சிப்பூக்கள்
பூத்துக்குலுங்கட்டும்.
___________________________________________________
கருத்துகள் இல்லை:
கருத்துரையிடுக