அதை .....
வெறும் 2024 ஆக
புதிய தோரணங்களுடன்
வரவேற்க காத்திருக்கும்
அன்பான இந்திய மக்களே!
"ஆண்டு ஒன்று போனால்
வயது ஒன்று போகும்"என்று
சோழியை குலுக்கிப்போட்டு பார்த்து
ராசிக்கட்டங்களுக்குள் போய்
படுத்துக்கொண்டு விடாதீர்கள்.
ஓட்டு எனும் '
உக்கிராண அறை சாவி"
நம்மிடம் தானே
என்று
ஒவ்வோரு தடவையும் அந்த
சாவி களவு போகவிட்டு
சரி போகட்டும் விடுங்கள்
என்று இருப்பவர்களாக
இருந்தால்
இந்த தடவை
அந்த சாவி மட்டும் அல்ல
உங்கள் வீடு
உங்கள் தெரு
உங்கள் ஊர்
உங்கள் இனம்
உங்கள் மொழி
எல்லாமே தொலைந்து போகும்
ஒரு அபாயம் நெருங்கி இருப்பதை
உணர்ந்து விட்டீர்களா?
போதும்.
நிறுத்துங்கள்.
இந்த குத்தாட்டங்கள்
குதியாட்டங்கள்
மின்னணு ஊடகங்கள் என்ற
பெயரில் இருக்கும்
இந்த மண்ணாங்கட்டி ஊடகங்கள்
கை பேசி வழியே
கலர் கலர்க்கனவுகள்
இவற்றையெல்லாம்
சீர்திருத்திக்கொண்டால் தான்
உங்கள் பாதை
உங்களுக்குத் தெரியும்.
உங்கள் பயணம்
உங்களுக்குப் புரியும்.
இந்த சாதி மத சாக்கடைகளா
உங்கள் கங்கையும் பிரம்ம புத்திராவும்?
பக்தி சேனைகள் பதுக்கியிருக்கும்
வெறித்தீயில் கிடைக்கும்
சாம்பல் பாரதமா
சாதனை பாரதம்?
அநீதிகள் ஒழிய
அறிவொளி பரவுக!
வாழ்க
நம் ஜனநாயக பாரதம்!
________________________________________________
ருத்ரா
கருத்துகள் இல்லை:
கருத்துரையிடுக