சிவப்புத்தோகை
=========================================
ருத்ரா
எங்கே உன் கையைக்காட்டு.
மெகந்தி போட்டிருக்கிறேன் என்றாயே
பார்க்கிறேன் என்றேன்.
ஆனால்
அவள் உள்ளங்கை விரிந்ததும்
திடீரென்று
ஒரு மயில் அதிசயமாய்
சிவப்புத்தோகையை விரித்து நின்றது!
ஏன் இந்த சிவப்பு ?
அப்பாவியாய் கேட்டேன் .
அவள்
"க்ளுக்"கென்று சிரித்து விட்டு
படக்கென்று பதுக்கிக்கொண்டாள்
முகத்தை
அந்தக்கையில்.
அவள் இதயத்தை அல்லவா
விரித்துக்காட்டியிருக்கிறாள் !
பாருங்கள்
அந்த "கல்வாழை" மங்கைக்கும்
நாணத்தின் சிவப்பே
உயிர்ப்பு.
====================================================================
அமெரிக்கா லாஸ் ஏஞ்சல்ஸில் ஓக் பார்க்கில் ஒரு பள்ளியின் வாசல் அருகே நான் நடைபயின்றபோது.....
கருத்துகள் இல்லை:
கருத்துரையிடுக