செவ்வாய், 19 பிப்ரவரி, 2019

வாக்காளிகளே

வாக்காளிகளே
=====================================ருத்ரா

வாக்காளர்கள் என்று
பட்டியலில் பெயர் இருக்கிறதா?
நம் வீட்டில் எத்தனை ஓட்டுகள்
என்று கணக்கு பார்ப்பதும்
கணக்கின் மேல் இன்னும் ஒரு
கணக்கு பார்ப்பதுமாகத்தான்
இன்னும்
நீங்கள் இருக்கப்போகிறீர்கள்?
ஜனநாயகம் என்பதும் கூட‌
நம் சிந்தனைப்போர் தான்.
இனி நீங்கள் "வாக்காளிகள்" எனும்
எனும் பரிணாமத்துள்
நுழைந்து தான் ஆகவேண்டும்.
போராளிகள் போல் உங்கள்
ஒற்றைவிரல் களத்தில் இனி
குருட்சேத்திரங்கள் நிழல் காட்டலாம்.
உங்கள்
கணினியில் விளையாட்டு போல்
பட்டன் தட்டுவதில்
என்ன வேண்டுமானலும் நிகழலாம்!
நம் அடையாளம் மாறிப்போய்விடுவதற்கு
அடையாளமாக என்னென்னவோ
நிகழ்கின்றன.
ஆள்பவர்கள் இன்னும் நாம் தான்
ஆள வரப்போகிறோம்
என்பதற்கு
பணங்களை வைத்து படிக்கட்டுகள்
போட்டுக்கொண்டிருக்கிறார்கள்.
ரசர்வ் வங்கி  குழந்தை போல்
அவர்கள் மடியில் போய் உட்கார்ந்து கொண்டது .
அவர்கள் கேட்ட கோடிகளை
அள்ளி அள்ளி வழங்கத்தயார் ஆகிவிட்டது.
வழக்கமான நடைமுறை தான்
என்கிறார்கள்.
ஆட்சியின் நுனிக்கொம்பர் ஏறியபின்
அதில் இந்த‌
கவர்ச்சிகரமான கற்பக தருக்களை
நட்டு வைப்பது
ஒரு ஏமாற்று வேலை ஆகாதா?
குதிரை பேரம் என்ற சொல் தான்
நம் ஜனநாயக அகராதியில்
தேடும் எல்லா சொற்களுக்கும்
அர்த்தம் என்று ஆகிவிட்டது.
வாக்காளர்களே!
ஓட்டுப்புயல்கள் உங்கள் கையில் தான்.
வாக்காளர்கள்
என்ற பெயர்களை விட்டு விட்டு
வாக்காளிகள் என்ற பெயரில்
ஜனநாயகப்போராளிகளாய்
வலம்  வாருங்கள்.

=============================================================








கருத்துகள் இல்லை:

கருத்துரையிடுக