ரஜனியின் அடுத்த படம் "தமிளு"

ரஜனியின் அடுத்த படம் "தமிளு"
===========================================ருத்ரா

இப்போது
கார்த்திக் சுப்பராஜாவின் படம்
"பேட்ட" என்று ஒன்று
தயாரிக்கப்பட இருக்கிறது.
இப்படித்தான்
"தல" என்றார்கள்.
அதைத்தொடர்ந்து
கையி
காலு
முண்டம்னு
படங்கள் தொடருமோ
என்று பயந்தார்கள் நம்
தமிழ் ஆர்வலர்கள்.
அப்புறம் மதுரமான மதுரையை
மதுர என்று படம் எடுத்து
வசூல் அள்ளினார்கள்.
விசிலடிச்சான் குஞ்சுகளின்
இந்த "கொசுத்தொல்லை"
தாங்க முடியலைடா சாமி!
இப்படித்தான்
"காவியணிந்து கடவுள்டா
கருப்புச்சட்டை கரிகாலன்டா"
என்று போஸ்டர்களில் கலக்கினார்கள்.
இதே "ரேஞ்சில்"
சிஷ்யப்பிள்ளைகள்
தமிளா....
அப்டின்னா இன்னாங்க்றே?
ரஜனிதாண்டா தமுளு!
தமுளுதாண்டா ரஜனி!
இப்படியும்
ரஜனியின் அடுத்த படமாய்
பூஜை போடப்படலாம்!
சூபர் என்றால் அதற்கு
"சூப்பரான" அர்த்தம் உண்டு
என்று ஆக்கியவர் ரஜனி!
ஆனா இந்த பாசக்கார பயலுவ‌
சூப்பர் என்பது ஆபாசத்துக்கு
இன்னொரு பெயர்
என்று
அதை ஆக்கிவிடக்கூடாதே
என்பதே எங்கள் அச்சம்!

========================================================