சனி, 1 செப்டம்பர், 2018

ரஜனி கடைவிரித்து விட்டார்

ரஜனி கடைவிரித்து விட்டார்
=============================================ருத்ரா

கை சுத்தமானவர்களே!
மனம் சுத்தமானவர்களே!
தயாராய் இருங்கள்
கட்சி துவக்கும் நேரம் வந்து விட்டது.
கட்சி வெறும் சீட்டாட்ட கிளப் அல்ல‌
ரம்மி சேர்ப்பது போல்
ஆட்ளை சேர்க்க.

நாம் நாலு காசு பார்க்கலாம்.
நாற்காலி சுகம் தரும் அனுபவத்தில்
நாலு வீடு வாங்கலாம்.
ஏரிப்பரப்புக்களில்
நம் குப்பத்து ராஜாக்களுக்கு
பட்டா போட்ட வகையில்
நாமும் கொஞ்சம்
உசந்து நிக்கலாம்...
இந்த கனவுகளையெல்லாம்
அந்த தலையணயோடு
மூட்டை கட்டி வைத்து விட்டு
வாருங்கள்.
இலவசங்கள்
பணப்பட்டுவாடா எல்லாம்
உண்டு...
ஆம்
நன்கொடை திரட்டுங்கள்
அதில் தான்
ஏழைகளுக்கு
எல்லாம் வழங்கப்படவேண்டும்.
"நீங்களே செலவு செய்து
ஓட்டுப்போட்டால் தானே
ஓட்டின் மதிப்பு உங்களுக்கு புரியும்"
என்று அவர்களை
புரியவைப்பதே
நம் தொண்டர்களின்
தேர்தல் வேலை!
ஓட்டு போட்டால்
வேட்டி தருவோம்
சேலை தருவோம்
என்று அந்த
மக்கள் குல மாணிக்கங்களை
வெறும் கூழாங்கற்கள் ஆக்கி விடாதீர்கள்.
மகான் ராகவேந்தர்
நமக்கு வெளிச்சம் காட்டவே
கல்லை அடுக்கி அந்த இருட்டுக்குள்
புதைந்து கொண்டார்.
மக்களுக்காகவே
நாம்
மக்களின் சேவையில்
அடி பட்டு மிதி பட்டு
நசுங்கிப்போனாலும்
அஞ்சல் வேண்டாம்.
புதுப்பொலிவு பெற‌
இந்த சமுதாயத்தை
மில்லி மீட்டர் மில்லி மீட்டர் ஆக‌
மாற்றியாக வேண்டும்.
இருங்க தலைவரே
கொஞ்சம் மில்லி யடித்து விட்டு
வந்துவிடுகிறோம்
என்று நினைக்கிறவர்கள்.
இங்கே வரவே வேண்டாம்.
........
.......
ஏம்ப்பா
எனக்கு ஒண்ணுமே பிரியலயே (புரியலையே)
உனக்கு என்னாச்சும் பிரிய்தா? (புரியுதா/)
என்ன்னாச்சும்
பஞ்ச் டையலாக் வச்சு சொருகிருக்காரா?
நல்லா கவனிச்சு சொல்லுண்ணே...
.........

ஜனநாயகத்தின்
அந்த உண்மையான வேர்வைதான்
அந்த மண்ணின் நாற்றத்துடன்
அங்கே
அந்த பாபாவுக்கு
பன்னீர் அபிஷேகம் நடத்தப்படவேண்டும்
என்பது
அவரை "கட் அவுட்" போல நிறுத்தி
பேசவைப்பவர்களுக்கு
தெரியுமா? தெரியாதா?
ஆத்மீக வெளிச்சத்தை
இவர்கள் முகத்தில் "டார்ச்" அடித்து
இவர்கள் முகத்தைக் கழுவி விடும் முன்
இந்த நாட்டின் ஆத்மிக வெள்ளத்தின்
கங்கோத்ரி எனும் ஊற்றுக்கண்
ஒரு சோமக்கள்ளின்
நொதிப்பிலும் நுரைப்பிலும் தான்
மறைந்து கிடந்திருக்கிறது என்பதை
பின்புலத்தின்
அந்த"அருவிக்காரரும் "மற்றவர்களும்
உணர்ந்திருப்பார்களா ? இல்லையா?
அதுவும் அந்த பாபாவுக்கே வெளிச்சம்!

==================================================

கருத்துகள் இல்லை:

கருத்துரையிடுக