ரஜனி கட்சிக்கு இப்படி பெயர் வைத்தால் எப்படி இருக்கும்?

ரஜனி கட்சிக்கு இப்படி பெயர் வைத்தால் எப்படி இருக்கும்?
=======================================================
ருத்ரா


தல..தெறி என்ற வரிசையில்
பேட்ட என்று
படத்துக்கு பெயர் வைத்தாகி விட்டது.

"சர்த்தான் தலிவா
நம்ம கட்சிக்கு என்ன பேர் வய்க்கிறது?"
ஒரு தொண்டனிலும் தொண்டன்
அடித்தொண்டை கிழிய கதறுகிறானே!

தலைவர் சிந்திக்கிறார்.
தலையைச்சொறிகிறார் அல்லது
பிரபஞ்சம் போல் இருக்கிற‌
அந்த தலையை சொடுக்குகிறார்.

கூட்டத்தின் குரல் சுநாமியில்
அரங்கமே ஆடுகிறது.
ஊடே வருகிறார்
தமிழ் அருவி...
"சு அ க"...அதாவது
"சுதந்திர அர்ப்பணிப்புக் கழகம்!"
"இதெப்டி இருக்கு?"
யார் தமிழ் அருவியா இப்படி
சூப்பர்ஸ்டாருக்கு "டப்பிங்" தருவது?
கூட்டம் சல சலக்கிறது.

"அருவி அய்யா
அங்ஙன போய் உக்காந்துக்குங்க அய்யா"
பொறுக்கமுடியாத
யாரோ ஒரு தொண்டர் கத்துகிறார்.

தலைவர் வந்து அமைதிப்படுத்துகிறார்..
பிறகு அவருக்கே உரித்தான
ஹ..ஹ..ஹஹ்..ஹா ஹா
எனும் சங்கிலிச்சிரிப்பில்
அரங்கத்தில் மழை பொழிகிறார்.
"யாரும் சங்கடப்பட வேண்டாம்"
மீண்டும் அதே
ஹ ஹ ஹஹ் ஹா ஹா சிரிப்பு

"சும்மா அதிருதுல்ல.."
ஆமாம் அது தான்
அந்த சு.அ.க..
"சும்மா அதிருதுல்ல கழகம்"
நீங்களே சொல்லி முழங்கலாம்
அரங்கம் முழுதும்
சீழ்க்கை ஒலிகள்..வாழ்க ஒலிகள்..
சும்மா அதிருதுல்ல..கழகம்
சும்மா அதிருதுல்ல...கழகம்
கட்சி பிறந்து
குவா குவா என்றது!

=========================================================
(ஒரு கற்பனை விழாக்  காட்சி இது)