மனிதேஸ்வரன் கோவில்
_____________________________________
ருத்ரா
மனிதம் எனும் உயிர்ப்பூ
கசாப்பு செய்யப்படுவதற்கா
இங்கு மதங்கள்?
மனிதம் எனும் சமுதாய ஊற்று
அடைபட்டு போவதற்கா
இங்கு சாதிகள்?
மனிதமே கடவுள் எனும்
உண்மையை புதைப்பதா
சாஸ்திரங்கள்?
மனிதம் எனும் அறிவு
அவிக்கப்படவா
வெற்று மந்திரங்கள்?
கேள்விகளின் சுரங்கமே மனிதன்.
அந்த வெளிச்சம் மறைப்பதற்கா
இருட்டுப்புராணங்கள்?
பரிணாமத்தின் சிகரமே மனிதன்.
அவனை சின்னாபின்னம் ஆக்குவதா
சாதிகள்? மதங்கள்?
கடவுளின் பாஸ்வர்டே மனிதன்
அவனைத்தொலைத்தால் இங்கு
கடவுள் இல்லை கோவிலும் இல்லை.
மனிதேஸ்வரன் கோவில் கட்டுவோம்.
அவன் அறிவின் ஒளியில் இந்த
பிரபஞ்சம் கூட நம் உள்ளங்கையில்.
____________________________________________
கருத்துகள் இல்லை:
கருத்துரையிடுக