"லவ் டுடே"
______________________________________
ருத்ரா
எத்தனையோ படங்கள்
ஒரு சின்னப்பொறியை வைத்து
சொக்கப்பனை
ஆக்கியது போல்
தூள்கிளப்பியிருப்பார்கள்.
நவீனத்துவ படங்கள் எல்லாம்
நாடி துடிக்கிற
சிறு மணித்துளிகளிலேயே
படம் துவங்கி முடிந்தும் விடுகிறது.
கதை என்று எதுவுமே
இல்லாமல்
ஒரு நிகழ்வு
ஏதோ கண்ணுக்குத்தெரியாத
ஒரு காக்கா
எச்சம் இட்டு விட்டு
சரேலென்று
மறைந்தது போல் தான்
இருக்கும்.
இந்தப்படமும் அப்படி
பொறியிலும் சிறு பொறியாய்
ஒரு "கை மாத்து" ஒன்றை
ஒரு பெரும் யுகப்புரட்சியாய்
உருட்டு விட்ட கதை தான்.
எப்போதும் செல்ஃபோனுக்குள்
குடியிருக்கும் காதலர்கள்
ஒரு நாள் முழுதும் அந்த செல்களை
பரிமாற்றம் செய்து கொள்ளவேண்டும்.
அதாவது
இருவரும் ஒரே மௌனராகத்தை மட்டும்
மீட்டிக்கொடிருக்க வேன்டும்.
தம் இதயங்களைக்கூட
பெயர்த்து எடுத்து
மாற்றிக்கொண்டு விடுவார்கள்.
ஆனால் செல்ஃபோன்களை
அப்படி மாற்றிக்கொள்ளச் சகியார்!
அந்த இதயங்களாகவே ஆகி விட்ட
சிலிகான் கிணுகிணுப்புகளையும்
டிஜிடல் வருடல்களான அந்த
"எண்ணியத்தில்"
தங்கள் கனவுகளையே
தடவி தடவி பெறும் கிளுகிளுப்புகளையும்
விட்டுக்கொடுக்க முடியாமல்
அவதிப்படுகிற
அந்த தருணங்கள்
ஒவ்வொன்றும்
ரீல் ரீலாக ஓடும்
தேனாறுகளாய் பொங்கி ஓடுகின்றன.
புதுமுக நடிகர் ஒரு முதிர்ச்சியான
இயக்குநராக இங்கு
பரிணமித்து இருப்பது அருமை.
காதலியாக வரும் நடிகையின்
தவிப்பில்
ஒரு காஷ்மீர் பனிக்கட்டியின்
ஐஸ்கிரீம் உருகி உருகி
சித்திரவதை செய்கிறது.
வசூல் வசூல் என்று
முரட்டுக்கண்ணும்
கரடு முரடான தோற்றமும்
உடைய அசுரத்தனமான
பாக்ஸ் ஆஃபீஸ் பூதமும்
சாதுவாக நின்று
இமாலய சாதனையை
செய்து காட்டியிருக்கிறது.
இந்த அற்புத இயக்குநருக்கு
நம் வாழ்த்துக்கள்.
____________________________________________________
கருத்துகள் இல்லை:
கருத்துரையிடுக