ப்ராபபலிடி
____________________________________________
ருத்ரா
சோழி குலுக்கிப்போடலாமா?
எதற்கு?
ஒற்றையா ரெட்டையா விளையாட்டுக்குத்தான்.
எப்படி?
குலுக்கிப்போட்டு பார்த்து
ஒற்றைப்படை வந்தால்
நீ இருக்கிறாய் என்று பொருள்.
இரட்டைப்படை வந்தால்
நான் இருக்கிறேன்
என்று பொருள்.
அமர்த்தலான சிரிப்புடன்
சோழிகளை குலுக்கிக்கொண்டே இருந்தது
சைத்தான் கடவுளின் எதிரில் உட்கார்ந்து.
சோழிகள் சிதறின.
எண்ணிப்பார்த்து சொல்லவேண்டும்.
விண்ணில் எத்தனை நட்சத்திரப்புள்ளிகள் என்று?
கடவுளுக்கு அக்கறையில்லை.
சைத்தானும் கவலைப்படவில்லை.
அதோ
ஜேம்ஸ் வெப் டெலஸ்கோப்
துருவிக்கொண்டே போய்க்கொண்டிருக்கிறது.
யாரால் யார்?
யாரிடம் யார்?
யாருக்கு யார்?
இந்த கேள்விகள் விடைகளை எதிர்பார்க்கவில்லை.
அந்த விடைகளுக்கும் கேள்விகள் தேவையில்லை.
இருப்பினும்
விளையாட்டு தொடர்ந்து கொண்டேஇருக்கிறது.
_____________________________________________________
என்ன தலைப்பு ஆங்கிலத்தில் இருக்கிறது?
தமிழில் என்ன தலைப்பு?
"நிகழ்தகைமை"
புரிந்தது போலும் இருக்கிறது.
புரியாதது போலும் இருக்கிறது.
கடவுளும் சைத்தானும் அப்படியே.
_____________________________________________________
ருத்ரா
கருத்துகள் இல்லை:
கருத்துரையிடுக