வாக்குறுதிகள்.
_____________________________________
ருத்ரா
பாதை மங்கல்.
புகை மூட்டம்.
முகமும் தெரியவில்லை.
முகவரியும் தெரியவில்லை.
என்ன செய்வார்கள்?
எப்படி செய்வார்கள்?
இனி
உங்களுக்கு
கல்வியே தேவை இல்லை.
கல்வியை வைத்துக்கொண்டு
தீப்பொறி உரசுகிறீர்கள்.
இருட்டையும்
கிளறி கிளறி
நட்சத்திரங்களைக்கூட
மடி நிறைய அள்ளி
வைத்துக்கொள்கிறீர்கள்.
மறு பிறவி மண்ணாங்கட்டிகள்
இருக்கட்டும்.
இப்பிறவியிலேயே
சொர்க்கங்களை
கிலோ பத்துரூபாய்
என்று
பொட்டலம் கட்டித்தந்து விடுங்கள்
என்கிறீர்கள்.
அதெல்லாம் போகட்டும்
ஓட்டுக்கு
ஸ்கூட்டர்கள் தருகிறீர்களா
சந்தோஷம்.
வீடுகள் தருகிறீர்களா
சந்தோஷம்.
அட சுடுகாடுகளைக்கூட
டிஜிடல் ஆக்கித்தருகிறீர்களா
ரொம்ப சந்தோஷம்.
என்னது?
எங்களையும் பிராமணர்கள்
ஆக்கி விடுகிறோம்
என்கிறீர்களா?
ஆகா!ஆகா!
திவ்யம்..திவ்யம்.
"அஹம் ப்ரஹ்மாஸ்மி"
"தத்வமஸி"...
அப்புறம் என்ன?
இனி எல்லாம் சமம் தான்.
மரம் மட்டை புழு பூச்சிக்கு கூட
பூணூல் தான்.
அதோ கத்திக்கொண்டு ஒடுகிறதே
அந்த எருமையின் குரலும்
வேதம் தான்!
_____________________________________________________
கருத்துகள் இல்லை:
கருத்துரையிடுக