போன்ஸாய்
===================================ருத்ரா
காக்கா போட்ட விதையில்
ஆலமரம் ஆக்கிரமித்து
விதைக்குள்ளே வீடே போனது.
குடும்பங்கள் ஆனது.
அவள் சொன்ன "ஹாய்"
எனும் சொல் வழியே
அவள் கைக்குட்டை வீசினாள்
எதற்கும் இருக்கட்டும்
நாளை நான் கண்ணீர்க்கடலில்
கிடக்கலாம் என்று.
மொட்டை மாடி.
பிழியப்பட்டது வடாம் இல்லை.
அவள் நினவில்
நானே தான்.
நெருநல் உளன் ஒருவன்
இன்றில்லை.
ஆம்.
நான் காதலிக்கத்துவங்கி விட்டேன்.
ஒரு சிவப்பு ரோஜாவுக்கு
கை நீட்டினாய்.
பூக்காரியிடம் ஒரு ரூபாய் தான்.
காதல்
எப்போது கொள்ளை மலிவானது?
சலவைக்கல் பளபளக்கவில்லை
தாஜ்மகாலுக்கு.
இது வரை
காதலிக்கும் கோடிப் பேர்கள்
நினைத்து நினைத்து
போட்ட பாலிஷ் அது
ஸ்க்ரோடிங்கர் ஈகுவேஷனாம்.
ஹெய்சன் பர்க் மேட்ரிக்ஸ் மெகானிக்ஸாம்.
இப்படியெ இந்த பேராசிரியர்கள்
காதலின் குவாண்டம் மெகானிக்ஸ்க்கும்
ஒரு ஈகுவேஷன் சொல்லப்படாதா?
==================================================ருத்ரா
அக்டோபர் 19 2013 ல் எழுதியது.
கருத்துகள் இல்லை:
கருத்துரையிடுக