"அயலாள்"
_________________________________________
சொற்கீரன்
ஏலியன் என்ற சொல்
ஹாலிவுட் துணிவிரிப்பில் வந்து
விழுந்த
விண்வெளி ஆளின் குழுந்தை.
பூமிக்கற்பனையில்
வடித்த புதிய சாராய நொதிப்பு.
வேர் ஓடி விட்டது.
கிளை பிரித்து பூ விரித்து
எலான் மஸ்கிய கார்பொரேட்
விஞ்ஞானத்திலும்
இன்னும் தொப்புள்கொடி அறுக்கப்படாமல்
பச்சையும் நீலமும் கலந்த
ஒரு பச்சை வாடைப் பிசினில்
எழுதிய பூலியன் கணிதப் "பூரான்" பூச்சி.
மனிதனுக்கு
தன்னைச்சுற்றிய புசு புசு வென்ற
அந்த பூ மயிர்க்கண்களில்
பில்லியன் ஒளியாண்டுகள் தாண்டிய
ஹார்மோன் காய்ச்சலை
பதியமிட்டுக்கொண்டே இருக்க ஆசை.
ஆனால்
இது சின்ன சின்ன ஆசை இல்லை.
ஆசைப்பிரளயங்களின்
பிரம்மாண்ட சுநாமி.
அறிவின் வீக்கமே இங்கு இந்த
பிரபஞ்ச வீக்கம்.
_______________________________________________________
கருத்துகள் இல்லை:
கருத்துரையிடுக