கணினிக்கருவறையிலிருந்து
_____________________________________
ருத்ரா
எனக்கு நானே
பேசிக்கொள்வதா?
என்னை
என் முன் நிறுத்தி
அவனோடு ஒரு
கற்பனை உரையாடல் செய்வதா?
"சேட்பாட்"
என்றொரு கணினிப்பிஞ்சு
களத்துக்கு வந்து விட்டது.
தனக்குத்தானே
மகுடம் சூட்டி ஒத்திகை
பார்த்துக்கொள்வது தான் இது.
மனிதன்
தன் உள்ளுக்குள் நுழைந்து
தன் அறிவுத்திரட்சியை (ஐ க்யூ)
செறிவு படுத்திக்கொள்வது.
இப்போது அவன்
யாரையும் பேட்டி எடுக்கலாம்.
"எலான் மஸ்கை" கூட
ஹலோ என்று
கலாய்க்கக்கிளம்பி விடலாம்.
பிரஸ் மைக்குகளுக்கு
தன் உதடுகளை இறுக்கி
மூடி வைத்துக்கொள்ளும்
பெரிய தலைவர்களிடமிருந்து கூட
பேச்சை பிடுங்கி
தண்ணி குடிக்க வைத்து விடலாம்.
கம்பெனி சாம்ராஜ்யங்களிலிருந்து
கெடு பிடி நாட்டுத்தலைவர்கள் வரை
ரகசியங்களை பறித்துக்கொண்டு
அவற்றைக் கொள்ளை கொள்ளையான
மூலதனங்களாக மாற்றி விடலாம்.
பெரிய பெரிய
சி இ ஓ க்களின்
மூளைப்பெட்டிக்குள்ளேயே
புகுந்து கல்லா கட்டுவது இது.
இளைய தலைமுறைகளின்
இளைய செல்வங்களே
பாம்புச்சட்டைகள் போல் உரித்துக்கொண்டு
அப்படியே
தலைமுறைகளையே
கழற்றிப்போட்டுவிட்டு
காலச்செதில்களை உதிர விட்டு
உந்துவிசை கொள்ளும்
ஒரு "வோர்ம் ஹோல்"பயணம் இது
உங்களுக்கு.
முன்னேறுங்கள்.
முன்னேற்றம் தான்
உங்கள் மூச்சும் நுரையீரலும்.
முன்னேறுங்கள்.
உயர உயர முன்னேறுங்கள்.
____________________________________________________
கருத்துகள் இல்லை:
கருத்துரையிடுக