____________________________________________
சமுதாய அறப்போராட்ட வீரர்
"ட்ராஃபிக் ராமசாமி"அவர்கள் மறைவு
ஒரு பேரிழப்பு.
சமூகத்தின்
ஏதோ ஒரு இண்டு இடுக்கிலிருந்து
ஒரு அக்கினி மூச்சு
கசிந்து வரும்.
அங்கே நடக்கும் அறமற்ற செயலின் மீது
மோதி உடைத்து
அதை வெளிப்படுத்தும் வீச்சு
அந்த வெப்பத்தில் தெரியும்.
யாருக்கும் அஞ்சாத அந்த
ஒற்றை மனிதரின் துணிச்சல்
ஒவ்வொரு இளைஞனுக்குள்ளும்
புயல் சிறகுகளை படபடக்கச்செய்யும்.
சமுதாய பிரச்னைகளின் இந்த
ட்ராஃபிக் ஜங்க்ஷனில்
இவர் ஒரு விசில் ஊதுபவர்தான்.
இவர் விசிலில் உள்ள
ஒலி எச்சரிக்கையே
ஒரு விழிப்பின் அதிர்வலையை
பரப்பிக்கோண்டே இருக்கும்.
இவர் வாழ்க்கை
நம் எல்லோரின் வாழ்க்கைப்புத்தகத்திலும்
புரட்டப்படும் பக்கங்கள் ஆகும்.
இவருக்கு
நம் ஆழ்ந்த இரங்கல்கள் உரித்தாகுக.
அன்புடன்
ருத்ரா இ பரமசிவன்.
கருத்துகள் இல்லை:
கருத்துரையிடுக