நிழல்கள்
_________________________________ருத்ரா
இவை இந்த இலைகள்
இட்ட எச்சங்களா?
அல்லது
அந்த சூரியன் உமிழ
முடியாத எச்சில்களா?
எப்படி இருப்பினும்
இவை என் சரித்திரங்கள்.
என் எலும்பு சூப்பைக்குடிக்க
நினைக்கும்
கொலைவாள் பற்களின்
நற நறப்பு மெல்லிதாய்
கேட்கும்
என் அவலங்களின் ஒலிகள்.
என் மொழியை
என் மண்ணை
கவ்விக்கொண்டு ஓடும்
கடமுடச் சத்தங்களின்
சித்திரங்கள் இவை.
என் மீது
அப்பிக்கிடக்கும்
இவற்றின் இதயங்கள்
துடிப்பதும் எனக்கு கேட்கிறது.
இவற்றின் அசைவுகளில்
வரலாற்று ஏடுகளின்
எழுத்துக்கள்
கண்ணுக்குத்தெரியாமல்
எழுதப்படுகின்றன.
________________________________________
கருத்துகள் இல்லை:
கருத்துரையிடுக