அந்தச்சுருக்கங்கள்.........
_______________________________________ருத்ரா
அன்பின் எரிமலைக்குழம்பு
ஆறி அறி வற்றியபின்
வரிகள் காட்டும்
காதலின்
ஃபாசில் சித்திரங்கள் இவை.
எலும்பும் சதையும்
ரத்தமும்
ருசி பார்த்துக்கொண்டே
கடைசியில் தான்
இந்த நெருப்பின் தீஞ்சுவையை
சப்பு கொட்டி சுவைக்கின்றன.
வயதுகளின் குறுக்கெலும்பு
ஒடிந்து கொண்டன.
நரம்புகள் மட்டும்
மின்னல் தந்திகளின்
யாழ்களாய் இங்கே
இனிய பண் கூட்டுகின்றன.
கொரோனா தோற்றுபோகும்
அமுதச்சுவையின்
அரிய மூலை இது.
அதனிடம்
போட்டுக்கொடுத்து விடாதீர்கள்.
அது
பொட்டலம் கட்டி எடுத்துக்கொண்டு
எந்த குழிக்குள்ளாவது
கிடத்திக்கொண்டு
அவர்களின் அந்த அற்புத ரகசியம்
என்ன என்ன என்று கேட்டு
இன்னொரு புதிய வடிவம் கொண்டு
இந்த மனித இனத்தின்
உள் கனலை உறிஞ்சிப்பார்க்க
வந்து விடும்.
______________________________________________________
நூறு வயதைத்தொடும் ஒரு தம்பதியர் தம்
சுருக்கம் விழுந்த முகத்தோடு முகம் உரசி
காதலின் மிகப் பழுத்த தீப்பொறியை
பற்றவைத்துக்கொண்டிருக்கும் காட்சியை
காட்டும் கவிதை இது.
___________________________________________
கருத்துகள் இல்லை:
கருத்துரையிடுக