https://www.youtube.com/watch?v=ubOXCgbEUM8
https://www.youtube.com/watch?v=_5eXt3L0J2E
கண்கள் என்ற
திரைப்படத்தில்
ஜிக்கி அவர்கள் பாடிய
"பாடிப்பாடி தினம்..."
என்ற பாட்டு...
அது பாட்டே அல்ல.
அது ஊனை உருக்கியது.
உள்ளுக்குள்
கண்ணீரை பெருக்கியது.
சோகம் பிழியும் கண்ணீர் அல்ல.
குரலின் இனிமையே
உணர்ச்சியை பிழிந்து பிழிந்து
கண்ணீரைப் பொழிந்தது.
இசையமைப்பில்
ஆயிரம் இமயங்களின் உச்சியில்
போய் உட்கார்ந்து கொண்ட
இசையமைப்பாளர்
எஸ் வி வெங்கட்ராமன் அவர்கள்
வார்த்து வார்த்து தந்த
தேன் மெட்டுகள்!
உயிர் மொட்டுகள் நம்முள்
விரிந்து விரிந்து
வியந்து தவித்தன அந்த பாட்டில்.
அந்த ஒரே பாட்டு போதும்
துருப்பிடித்து இற்றுக் கிடக்கும்
முரட்டுக்காதுகளை
திறந்து
உள்ளத்தின்
பாறாங்கல்லையும்
பதமான நுங்கு ஆக்கிவிட.
_____________________________________ருத்ரா
கருத்துகள் இல்லை:
கருத்துரையிடுக