மாதங்களில் அவள் மார்கழி
__________________________________ருத்ரா
பெண்கள்
அவர்களின் திரைப்படத்துக்கு
விட்ட
இடைவேளை அல்ல அது.
கருவெளியின் இந்த
இடைவெளியில்
பிரபஞ்சமே இமைவிரித்து
வியக்கும்
படைப்பின் இடைவெளி இது.
பிரம்மத்தின்
கரு உயிர்ப்பே இது தான்.
இதை ஏன் பிரம்ம நாசம்
என்று
பிரம்ம பாஷ்யங்கள்
கூப்பாடு போடுகின்றன?
நம் ஞானம்
ஒரு அஞ்ஞானம் என்று
அஞ்சப்படும்
தொடக்கப்புள்ளி இங்கு தான்
விழுகிறது.
மாதங்களில் அவள் மார்கழி
என்பதெல்லாம் இருக்கட்டும்
மாதவிலக்கு
என்ற கிரகணம்
அவளை மறைத்துக்கொள்ளும்போது
அவள் உடன்படாத ஒரு
கட்டையில் ஏற்றி
ஏன் எரிக்கப்பார்க்கிறீர்கள்?
____________________________________ருத்ரா
கருத்துகள் இல்லை:
கருத்துரையிடுக