ருத்ராவின் கவிதைகள்.
சூரியன்
உறங்குவதும்
விழிப்பதும்
பூமியின் விளிம்பு தான்.
இது வரை அந்த
விளிம்பு கைக்கு மாட்டவே
இல்லை.
நானும் சுத்தியல் ஆணி சகிதம்
ஒரு காலண்டரை
அந்த விளிம்பில்
மாட்டிவிட முயலுகிறேன்.
சரி.
இது எத்தனையாவது வருடம்?
யாருத்குத் தெரியும்?
___________________________________
இலையோடு
தண்ணீர்த்துளி
ஒட்டவே இல்லை.
துறவு
______________________ருத்ரா
அந்த பாறாங்கல்லை
தூண்டிலில் மாட்டிக் கடலில் வீசி
கரையில் காத்திருந்தது அந்த
மண்புழு.
நம்பிக்கை
___________________________ருத்ரா
சீனாக்காரன் கூட தருகிறானாம்
நம் "ப்ரணவ மந்திரத்தை"
சிலிண்டரில் அடைத்து.
ஆக்சிஜன்
____________________________ருத்ரா
தங்க நாணயங்கள் கீழே.
இலைகள் இடுக்குகள் வழியே
சூரியன் துப்பியது.
ஒளிக்கசிவு
______________________________ருத்ரா
முங்கிகுளித்ததில்
நுரையீரல் பேசியது
ஆறு
____________________ருத்ரா
மரணஇயல் பாடம்
நுரையீரல்
பல்கலைக்கழகத்தில்.
கொரோனா
____________________ருத்ரா
விமானங்களே
இனி "அணிலாடு முன்றில்"
கொரோனா
_______________________ருத்ரா
சங்கிலி அவர் கழுத்தில்
அது அவரை இழுத்துச்சென்றது.
"வாக்"
_____________________ருத்ரா
இவர்கள் தேசம் முழுவதும்
பத்து எண்களில்.
கைபேசி
________________________ருத்ரா
கருத்துகள் இல்லை:
கருத்துரையிடுக