வாசல்

வாசல்
======================================ருத்ரா

அன்பே!
அது என்ன
கொரோனா
பேயா?பிசாசா?
நாம் எல்லாம் எங்கேயாவது
ஒடிப்போய்விடவேண்டுமாமே!
ஒரு நாள் அதைக்கட்டி இழுத்துவந்தேன்.
காதலிக்கக் கற்றுக்கொடுத்தேன்.
அதுவும் கற்றுக்கொண்டது.
கிளம்பியது.
சற்று நில்!
என்ன?
இப்படி உன் தலையில் முள்ளைப்பரப்பி வைத்தால்
காக்காய் கூட வந்து கூடு கட்டாது.
தலையெல்லாம் ரோஜாக்கள் பூக்கவேண்டும்.
ம்ம்ம்
என்று ஓடி விட்டது.
அப்புறம்..
அப்புறம் எங்கள் மாவட்டம்
"பச்சை" ஆகி விட்டது.
ஒரு நாள் தலைமுழுதும் ரோஜாக்கள்
மூடியிருக்க‌
என்னை வந்து பார்த்தது.
அது சரி!
காதலி வரவுக்காக காத்திருக்கும்
தவம் ஒன்று செய்யவேண்டும் என்று சொன்னாய்
எவ்வளவு நேரம்?
ஓ! அதுவா!
நேனோ செகண்டிலிருந்து
கோடி கோடி யுகங்கள் வரை நீளும்.
நீ என்ன சொல்கிறாய்.
சொன்னவன் மறைந்து விட்டான்.
அது சுற்று முற்றும் பார்த்தது.
அந்த இடம்
கீழ்ப்பாக்கம் மருத்துவ மனை வாசல்.

================================================