வாழ்க வாழ்க இந்தியா!
____________________________________
ருத்ரா
வாழ்க வாழ்க இந்தியா!
வளம் நிறைந்த இந்தியா!
உலகமெல்லாம் போற்றுகின்ற
உயர்தனி நாடு இந்தியா!
முதன் முதலாய் வானம் பார்த்து
வழி தெரிந்த இந்தியா!
ஒளியைக்கண்டு ஒளிந்திடாமல்
ஓங்கி நின்ற இந்தியா!
தத்துவம் என்றால் என்ன என்று
தடங்கள் காட்டிய இந்தியா!
பிறப்பும் இறப்பும் இன்னதென்று
வெளிச்சம் தந்தது இந்தியா!
மனிதனுக்குள் கடவுள் என்றும்
கடவுளுக்குள் மனிதன் என்றும்
உணர்வு பெறுதல் மட்டுமே என
உள்ளம் விரித்தது இந்தியா!
உள்ளறிவு சுடர் வீசும்
உயரம் கண்ட போதிலே ஒரு
ஆழமும் கண்டிடலாம் என
உண்மை கண்டது இந்தியா!
இந்தியாவின் உயர்விளக்கு
கலங்கரை விளக்காகி
உலகம் யாவும் சுடர்ந்திட
உயர்ந்திடும் நம் இந்தியா!
_________________________________________
கருத்துகள் இல்லை:
கருத்துரையிடுக