சட்டம் ஒரு இருட்டறை

சட்டம் ஒரு இருட்டறை
===========================================ருத்ரா

படம் அருமை.
வசனம் பிரமாதம்.
நடிப்பு?
எரிமலைகளே
எழுந்து வந்து விட்டன
நடிப்பதற்கு.
உணர்ச்சிக்குழம்பில்
சொற்கள் வார்க்கப்பட்டன.
திரைக்கதை
டெல்லிக்குள் எல்லாம்
நுழைந்தது.
அநீதியை எதிர்த்து
நீதிக்கு
நரம்புகள் புடைத்தன.
நீதியின் தராசுகள்
சிவ சக்தி நடனம் ஆடின.
சட்டப்புத்தகங்களின்
அத்தனை புத்தகங்களும்
ஆழிப்பேரலைகளாய்
தலை விரித்து ஆடின.
நம் தலை எழுத்துக்கள் எல்லாம்
மீண்டும் புதிதாய்
எழுதப்படப் போகின்றனவோ?

அதெல்லாம் சரி!
இது என்ன?
ஏதோ பட்டன் என்று
இந்த கணிப்பொறியில்
விரல் இடறிற்று.
விளக்குகள் மட்டும் அணைந்தன‌
படத்தையும் காணோம்
வசனத்தையும் காணோம்.
தராசு தட்டுகள் எங்கோ
சிதறிக்கிடந்தன.

===========================================================