காதல் காதல் காதல்
_________________________ருத்ரா
காதலில் இரண்டு வகை.
கன்னிக்காதல் எனும்
முதிரா காதல்.
முதிர் காதல் எனும்
முழுமை பெற்ற காதல்.
முதல் வகையில்
காதல் காதல் காதல்
காதல் போயின்
காதல் போயின்
சாதல் சாதல் சாதல்.
முதிர் காதலில்
காதலுக்கு
வெற்றி தோல்வி இல்லை
காதல் வந்திடினும்
காதல் போயிடினும்
காதல் காதல் காதல்.
இதில்
காதலுக்கு
முகம் மட்டும் இல்லை.
காதலுக்கு அகமும் உண்டு.
அண்டம் முழுதும்
அன்பால் அளக்கும்
பேரகம் உண்டு.
இந்த சமுதாயத்தின் முகமான
மனிதம் மலர்த்தும்
முகம் அந்த அகத்தில்
நிறைவாய் சுடரும்!
அதனால்
காதல் வாழ்க!
காதல் வாழ்க! வாழ்க!
_______________________________
கருத்துகள் இல்லை:
கருத்துரையிடுக