ஹேப்பி பெர்த்டே டு அவர் பிலவ்டு "ரஜினி"!
____________________________________________________ருத்ரா
அன்பான ரஜினி காந்த் அவர்களுக்கு
எங்கள் மனமார்ந்த வாழ்த்துக்கள்.
லட்சக்கணக்கான மக்கள்
பொழிந்த வாழ்த்துகளின்
அடர் மழைக்கீற்றுகளில்
இந்த மெல்லிய வரிகளும்
எங்கள் இதயங்களுடன்
சுருதி கூட்டடும்.
நீங்கள் நீடூழி நீடூழி வாழ்க.
கன்னடமும் களிதெலுங்கும்
மலையாளமும் சேர்த்திழைத்த
யாழ் நரம்புக்கூட்டமே
திராவிட இசையாய் தமிழாய்
திரட்சி பெற்று
காட்சி தரும் இங்கே!
திராவிடம்
ஒழிக்கப்படவேண்டும்
என்ற
ஒற்றைப்புள்ளிக்குள்
ஏன் சுருங்கிப்போனது
இவர்கள் சித்தாந்தம்?
ஒரு பேராதிக்கம்
இந்தியாவின் உள் தேசியங்களை
உணவாக்கிக்கொள்ள
பசியெடுத்து படையெடுத்து
வருகிறது.
இந்தியாவின்
மற்ற மொழிகளையெல்லாம்
ஒரே நாவில் சுருட்டிக்கொண்டு
அஸ்வமேத யாகம் போல்
ஒரு "பாஷாமேத யாகம்" செய்ய
புறப்பட்டு வருகிறது.
மானிட சமநீதியே அதன் ஆகுதி.
கடவுள் பற்றி கேள்வி எழுப்பும்
மனிதர்களே
அந்த "யாகத்தில்"
எறியப்படுபவர்கள்.
பிரம்மகோத்ரத்தின்
ஒரே வர்ண மக்களுக்கே
அங்கு மகுடம்!
மற்ற குப்பை வர்ணங்கள்
மக்கி மறைவதே தெய்வ சங்கல்பம்
என்றொரு சாத்திரமே
இங்கு இனி சரித்திரமாகும்
என்ற பேராதிக்கக்கொடியா
இந்த மண்ணில் பறக்கவேண்டும்?
ரஜினி அவர்களே
இப்ப இல்லேன்னா எப்போதும் இல்லை
என்ற உங்கள் சீற்றம்
அந்த பேராதிக்கச் சாத்திரத்தை
தவிடு பொடியாக்க வேண்டும்.
உங்கள் பிறந்த நாளின்
பொன்னான புத்தம் புதிய சிந்தனையாக
இது சுடர் பூக்கட்டும்.
மக்கள் இடர் களைய உங்கள்
மனம் ஓர் எழுச்சி கொள்ளட்டும்.
ஹேப்பி..ஹேப்பி அன்ட்
வெரி ஹேப்பி பெர்த் டே
டு யு....
அவர் பிலவ்டு "ரஜினி"!!
______________________________________________________
கருத்துகள் இல்லை:
கருத்துரையிடுக