மான் உளைக் குடுமி அன்ன
கான்செறி அடுக்கம் நெடுதரு வெற்ப
ஊண் செறி வட்டில் நெடுநாள் மறந்து
பூண்செறி உடம்பும் நெகிழ்தரக்கிடந்து
ஆம்பல் ஊதி விளையாட்டயரும்
அஞ்சிறார் குழாத்துடன் ஆடல் நனிமறந்து
பளிங்கின் நுண்சிறை நுவல்காழ்த் தும்பி
சிறைகொண்டு சிற்றில் கூட்டும் ஆயம் மறந்து
நின் நினைவின் கூர்வாள் கொடுவரி மின்னல்
தின்றல் செத்தென பாழ்வான் போன்ம்
முன்றில் முடங்கினள் மற்று என் மன்னே.
முந்துறு கதழ்பரிக் கலிமா ஓச்சி
மணித்தேர் விரைய ஒருப்பட்டு வருதி!
______________________________________________ருத்ரா\
பிரிவுற்ற தலைவியின் வாட்டம் போக்க
விரைந்து வ்ருவாய் என தோழி தலைவனை
நோக்கிப்பாடியதாய் நான் எழுதிய
சங்கநடைச்செய்யுட் கவிதை இது.
__________________________________________ருத்ரா
கருத்துகள் இல்லை:
கருத்துரையிடுக