ஒரு விளிம்பு.
--------------------------------------------------------
2024..
இது ஏதோ வறட்டு எண் அல்ல.
இப்போ என்ன அதுக்கு?
கணினியின் பட்டனை
ஒரு நியூமராலஜி விளையாட்டுக்கு
பயன்படுத்திக்கொள்ளலாம்
அப்புறம்
என்று
கொட்டாவி விடுபவர்களும்
சோம்பல் முறிப்பவர்களும்
கொஞ்சம் சிந்தியுங்கள்.
நீங்கள் படுத்திருப்பது
ஒரு விளிம்பு.
விழுந்தால்
மண்டை சிதறி
இனி மேல் யோசிப்பதற்கே
இடமில்லை.
ஜனநாயகம் பற்றி
ஆழமாய் கூர்மையாய்
சிந்திப்பவர்களுக்குக் கூட
இங்கே இருக்க ஒரு அங்குல இடம் கூட
இல்லை.
எதிர்க்குரல் முணு முணுக்கும்
இந்த தேசம் முழுதுமே
கழுத்தில் போர்டு தொங்கவிடப்பட்டு
அனாதையாய் திரிகிறது
"தேச விரோதி" என்று.
2024 என்றால் என்ன என்று
இப்போதாவது
புரிந்து கொள்ளுங்கள்.
"மாட்டுக்கொட்டில்கள்"கட்ட
லட்சம் கோடிகளுக்கு டெண்டர் தயார்.
ஆனால் அது மாடுகளுக்கு அல்ல.
உங்களுக்கே தான்!
____________________________________________________
ருத்ரா
கருத்துகள் இல்லை:
கருத்துரையிடுக