மொத்தப்பொருளாதாரத்தை
மூணு சீட்டு ஆட்டம் ஆக்குவதே
பங்கு மூலதனப்பொருளாதாரம்.
பங்குவிலை என்பது
ஒரு பலூன்பூதம்.
இது வெடிக்கும் போது
பொருளாதார மந்தம் என்று
எல்லாம் படுத்துக்கொண்டு விடும்.
இந்த கணினி யுகத்தில்
கணினியால் அறிவுத்திறன்
மேலோங்கியிருந்த போதும்
"ஆன் லைன் ரம்மி"
எனும்
சோம பான சூதாட்டம்
நம் சமுதாயத்தை
பார்வையற்ற குருடர்களாய்
தடவ விட்டுக்கொண்டிருப்பதைப்பார்க்கிறோம்.
கம்பெனிகளின் வளர்ச்சி
இந்த சூதாட்ட பணக்குவியலை
வைத்துக்கொண்டு
கண்ணாடி க்கட்டிடங்களை
பல அடுக்கில் கட்டி
மயக்கம் உண்டாக்குகிறது.
நல்லபாம்பின் படம் எவ்வளவு அழகு
என்று நமக்குத்தெரியும்.
மனித உழைப்பு
மனித அறிவின் செழிப்பு
எல்லாம்
ஒரு கானல்நீர்க்கடலில்
கரைந்து கரைந்து
ஒரு "ஹேலுசினேஷன்"பொருளாதாரத்தை
சினிமா காட்டிக்கொண்டிருக்கிறது.
____________________________________ருத்ரா
கருத்துகள் இல்லை:
கருத்துரையிடுக