என்ன நடக்கிறது இங்கே?
_________________________________ருத்ரா
அறிவின் உச்சம் தொட்டு விட்டோம்.
தொட்ட பிறகு தெரிகிறது
நாம் இன்னும் அங்கிருந்து
ஏற வேண்டிய "நூலே"ணி
மேலே மேலே
போய்க்கொண்டிருக்கிறது என்று.
எவ்வளவு உயரம்?
இன்ஃபினிடி டு தி பவர் ஆஃப்
இன்ஃபினிடி!
அப்சர்டு அண்ட் அப்ச்க்யூர்டு.
ஆம்
குவாண்டம் கம்ப்யூட்டிங்க்
மூளையின் கோடி கோடிக்கணக்கான
நியூரான் முடிச்சுகளில்
மத்தப்பு வெளிச்சங்களின்
பல்ஸ்களை பதியம் இடுகின்றன.
அதெல்லாம் இருக்கட்டும்.
இளசுகள் கணினிகளின்
கேம்ஸ்ல்
ஒரு மரணக்கிணறுக்கு
சுழல் பாதையில்
செக்ஸின் சுடுகாட்டில்
இன்பத்தீயில்
எரிந்து கொண்டே
உயிரோடு இருக்கிறார்களாமே.
அது என்ன?
வெறும் ஆபாச வார்த்தைகளா
இந்த பிஞ்சுகளை
வெம்பச்செய்யும்?
வெட்டு கொல்லு
சுட்டுத்தள்ளு..
என்று
ரத்த அணுக்களின்
அசுரன்கள் அல்லவா
கோரமாய் அங்கே
சிரித்துக்கொண்டிருக்கிறான்கள்.
லாபம் எப்படியோ
கோடி கோடியாய்
பிட்காயின்களிலும்
ரகசியக்குறியீட்டுக்கரன்சிகளிலும்
மலைமலையாய் குவிந்தால் சரி!
தாராளமய பொருளாதாரம்
தந்த கொடை அல்லவா அது.
இதையெல்லாம்
கடவுள் சத்தங்களும் கானங்களும்
கடவுள் குத்தாட்டங்களும் கூட
கண்டு கொள்வதே இல்லை.
டாலர்களில் பொதிந்த
பிரசாதங்களே
கார்பரேட் குவார்டர் ஆண்டு
நிதிநிலை லாப அறிக்கைகளாய்
சந்தைகளில் "பளிச்" சலவைகள்
செய்துகொள்கின்றன.
ஜனநாயகம் எனும் காக்காய் இறகுகளை
நம் மணிமகுடத்தில் சூட்டிக்கொண்டால் கூட
கோரமான ஒரு ஒற்றை அதிகாரத்தின்
குருதிச்சுவை
நாவில் நீர் ஊற
குரூரப்புலிகளின் நீண்ட நாக்குகளாய்
ருட்யார்டு கிப்லிங்கின்
"ஜங்கிள் புக்" போல
வலம் வருகின்றன.
என்ன நடக்கிறது இங்கே?
மக்களைக் காத்துக்கொள்ளும் கேடயங்களும்
இங்கு
மக்கள் மக்கள் மக்களே தான்!
வாழ்க மக்கள் ஜனநாயகம்!
____________________________________________
கருத்துகள் இல்லை:
கருத்துரையிடுக